میراں ولیوں کے سردار شیئا للہ
تیری اونچی ہے سرکار شیئا للہ
شیئا للہ یا عبدالقادر جیلانیؓ
ہاتھ پھیلائے در پر کھڑا ہے غریب
تو ہے رب کا ولی تو نبی ﷺکے قریب
شاہِ جیلاں جگا دے میرا بھی نصیب
میں ہوں بیمار ترا تو میرا طبیب
درد کی میری کوئی دے دے دوا
تیرا بندہ ہے لاچار شیئا للہ
شیئا للہ یا عبدالقادر جیلانیؓ
فیض تیرا سدا ہم پے جاری رہے
یونہی تیری نظر پیاری پیاری رہے
قائم الفت دلوں میں تمھاری رہے
تجھ سے الفت پہچان ہماری رہے
جب تلک ہم جئے ہو یہی مشغلہ
تیر ے نام کی تکرار شیئا للہ
شیئا للہ یا عبدالقادر جیلانیؓ
عرس میں تیرے آئے ہیں جتنے گدا
جھولیاں کو کھول کر دے رہے ہیں صدا
آج دامن مرادوں سے بھر دے میرا
اے غنی تیرے در پے ہے بھکاری کھڑا
تیرے نانا ہیں مختارِ کل سرورا
دادا حیدرِ کرار شیئا للہ
شیئا للہ یا عبدالقادر جیلانیؓ
شان اونچی تیری میرے غوثِ جلی
تیر ے زیر ِ قدم سارے غوث و ولی
میرے مرجھائے دل کی کھلا دے کلی
میری قسمت بُری ہو تو کر دے بھلی
میرے لفظوں سےبھی شان تیری سوا
ابنِ حیدرِ کرار شیئا للہ
شیئا للہ یا عبدالقادر جیلانیؓ
تیری اے شاہ جیلاں بڑی شان ہے
مرحبا اولیاء کا تو سلطان ہے
قادریوں کو تجھ پر بڑا مان ہے
تیری نسبت ہی تو اپنی پہچان ہے
ہم جو کچھ ملا تیرے در سے ملا
تیرا ایسا ہے دربار شیئا للہ
شیئا للہ یا عبدالقادر جیلانیؓ
یہ تمنادلی ہے تو رکھنا بھرم
اس طرح موت آئے میرے محترم
سامنے ہو محمدﷺ کا پیارا حرم
ان کے قدموں میں سر ہو نکل جائے دم
ہو بقیع پاک میں ہو مدفن عطا
عرض اتنی ہے سردار شیئا للہ
شیئا للہ یا عبدالقادر جیلانیؓ
تیرے دربار میں آ گیا جو گدا
اپنی من کی مرادوں کو وہ پا گیا
سن عبید ِ رضا کا بھی یہ مدعا
رقص کرتی ہے لب پر یہی اک صدا
چہرہ پاک سے آج پردہ اٹھا
میرے میراں بس اک بار شیئا للہ
شیئا للہ یا عبدالقادر جیلانیؓ